Abşeronda oğurluq faktının üstü açılıb. Mehdiabad qəsəbə sakini Rəhimə Ağasiyeva Rayon Polis İdarəsinin Mehdiabad Polis Bölməsinə  ərizə ilə müraciət edərək, ona məxsus mənzildən 2950 manat dəyərində qızıl-zinət əşyalarının, 500 manat nəğd pul və mobil telefonun oğurlandığını bildirib. Əməliyyat-axtarış tədbirləri nəticəsində oğurluqda şübhəli bilinən əvvəllər məhkum olunmuş qəsəbə sakinləri – 18 yaşlı Nihad Qarayev və 20 yaşlı Murad Qocayev saxlanılıb. Onların digər cinayət əməllərinin olub-olmaması istintaqın sonunda məlum olacaq.