Bu gün futbol üzrə Azərbaycan Premyer Liqasında XIX turun daha iki oyunu keçiriləcək. İlk matç Bakıda reallaşacaq. Paytaxt təmsilçilərinin duelində "Səbail" "Zirə"ni qəbul edəcək. Görüş saat 15-də başlayacaq. Meydan sahibləri 26 xalla 5-ci, qonaqlar 29 xalla 3-cü pillədə qərarlaşıb. Günün ikinci görüşü Qəbələ şəhər stadionunda gerçəkləşəcək. "Kəpəz" və "Turan Tovuz" komandaları qərb derbisində qarşılaşacaqlar. Bu matç isə saat 17:30-a təyin edilib. Gəncə təmsilçisi 14 xalla 9-cu, Tovuz klubu 22 xalla 8-ci sıradadır.