2024-cü ildə Azərbaycanda 51 beynəlxalq idman yarışının keçirilməsi planlaşdırılır. Bu barədə Gənclər və İdman Nazirliyindən məlumat verilib. İlk yarış 7‐11 fevralda Paris-2024 Yay Olimpiya Oyunlarına lisenziya xarakterli badminton turniri olacaq. İlk dəfə Şuşada baş tutacaq “Vüqar Həşimov Memorialı”nın onuncusu avqustun 27-31-i aralığında keçiriləcək. İlə dekabrda 15 və 17 yaşadək idmançılar arasında sərbəst və yunan‐Roma güləşi üzrə turnirlə yekun vurulacaq.