Qazax Rayon Polis Şöbəsinə rayonun Birinci Şıxlı kəndi ərazisində odlu silahdan atəş açılması barədə məlumat daxil olub. İlkin araşdırmalar zamanı məlum olub ki, 1978-ci il təvəllüdlü Elşən Yusifov həmkəndlisi 1981-ci il təvəllüdlü Ülfət Mustafayevin əyləşdiyi "VAZ" markalı avtomobilə odlu silahdan 2 dəfə atəş açıb. Hadisə nəticəsində xəsarət alan olmasa da avtomobilə ziyan dəyib. Fakt araşdırılır.