İtaliya şirkəti Azərbaycanın işğaldan azad edilmiş bəzi ərazilərində elektroenergetika infrastrukturunun qurulmasında iştirak edəcək. Artıq bu yöndə “Ansaldo Energia” şirkətinin rəhbəri Marino Guiseppenin təmsil etdiyi nümayəndə heyəti ilə “Azərenerji”-nin rəhbəri Baba Rzayev arasında müzakirələr aparılıb. “Ansaldo Energia” şirkətinin Kəlbəcər və Laçında yeni tikiləcək kiçik su elektrik stansiyaları layihələrini “Azərenerji” ilə birgə həyata keçirməsi, yüksək gərginlikli yarımstansiyaların tikintisi və avadanlıqların təchiz etməsində iştirakı gündəmdədir.