Daşkəsən Meşə Mühafizəsi və Bərpası Müəssisəsinin Dəstəfur meşəbəyliyinin 1 saylı dolayının ərazisində yanğın hadisəsi baş verib. Yanğının qarşısını almaq üçün əraziyə dərhal Ekologiya və Təbii Sərvətlər və Fövqəladə Hallar Nazirliklərinin əməkdaşları cəlb olunub. Güclü külək olmasına baxmayaraq, hazırda alovun söndürülməsi üçün  operativ tədbirlər davam etdirilir.