• KƏPƏZ TV
    canlı yayım
Bu günə xəbərlərin oxunma sayı: 1948
— 10.03.2017 18:13

Cibgirin cibə girməsi anbaan görüntüləndi

KepezTV Player

Metroda insanlarının sıxlığı ona cibgirlik üçün fürsət verdi. Eyni məsafədə yaxın gözlərdən yayınmağı bilən cibgir, kameranın gözcüyünü unutdu. Məhəl qoymadığı kameralar isə onun qara niyyətini qarabaqara yaddaşa köçürüb.

Sumqayıt şəhər sakini Kəmalə Əhmədova Bakı metropoliteninin 28 may stansiyasında qatara minəndən sonra mobil telefonunun oğurlanması ilə bağlı polisə müraciət edib. Metropolitendə polis şöbəsi əməkdaşlarının həyata keçirdikləri əməliyyat tədbirləri nəticəsində qadına qarşı cibgirlik edən Ağdam rayon sakini Hacı Mehdiyev saxlanılıb.

Kamera görüntülərindən də aydın olur ki, Kəmalə Əhmədovanın cibindəki mobil telefonu gördükdən sonra Hacı Mehdiyev onun arxasında dayanır və birgə qatara minərək, niyyətini həyata keçirir. Qapılar bağlanan anda cinayəti törədən şəxs qatarı tərk edir, daha sonra Cəfər Cabbarlı metro stansiyasına keçərək oradan Xətai metrostansiyasına gəlir və hadisə yerindən uzaqlaşır. Faktla bağlı başlanan cinayət işi üzrə araşdırmalar davam edir.
 

Zülfiyyə Telmanqızı