Təhsil Şurası İctimai Birliyi hicab mövzusundan istifadə edilərək ölkədə ictimai-siyasi gərginlik yaradılması cəhdlərindən narahatlığını bildirib.Azərbaycanda vicdan və din azadlığı qanunla təmin olunur, müxtəlif dini inanclara malik vətəndaşlar arasında tolerantlıq mühiti mövcuddur.Bəyanatda dini hisslərdən və geyim azadlığından siyasi məqsədlərlə istifadə edilməsinin, eləcə də təhsil müəssisələrinin siyasi intriqalar və xarici təsirlər üçün platformaya çevrilməsinin yolverilməz olduğu vurğulanıb.Təhsil Şurası xarici investorları və onların yerli tərəfdaşlarını Azərbaycanın daxili işlərinə müdaxilə etməməyə çağırıb. Həmçinin müəllimlərə, ziyalılara, tələbələrə və valideynlərə milli həmrəyliyin və dövlətçilik maraqlarının qorunması ilə bağlı müraciət edilib.