“Böyük Qayıdış” proqramı çərçivəsində işğaldan azad olunmuş ərazilərdə  Bakı-Ağdam müntəzəm avtobus reysi təşkil edilir. Sentyabrın 26-dan Bakı Beynəlxalq Avtovağzal Kompleksindən hər gün saat 08:50-də yola düşəcək avtobusların son dayanacaq məntəqəsi Ağdam Dəmir Yolu və Avtovağzal Kompleksidir. Marşrut xətti üzrə aralıq məntəqə olaraq Quzanlı qəsəbəsi təyin edilib. Əks istiqamətdə isə saat 08:00-də yola düşəcək. Gediş haqqı 13,90 AZN təşkil edir.