Prezident İlham Əliyev və birinci xanım Mehriban Əliyeva Kəlbəcər rayonunda Xudavəng monastır kompleksində olublar. Həmçinin Kəlbəcər rayonunda Tərtər çayı üzərində yerləşən “Yuxarı Vəng” Su Elektrik Stansiyasının açılışında iştirak ediblər. 

Toğanalı-Kəlbəcər-İstisu avtomobil yolu layihəsi çərçivəsində inşa olunan 4-cü tuneldə və bu yolun 15,2 kilometrlik hissəsində, Kəlbəcər Şəhər Təhsil Kompleksində aparılan işlər və bu il açılması planlaşdırılan modul tipli məktəbin layihəsi ilə, eyni zamanada  524 ailəlik yaşayış kompleksinin tikintisi ilə tanış olublar.

Prezident İlham Əliyev Kəlbəcər şəhərində ikinci yaşayış kompleksinin və inzibati binanın təməllərini qoyub.

Prezident və birinci xanım İstisu Mineral Su Zavodunun açılışında iştirak ediblər.

Azərbaycan lideri “Zar” Kiçik Su Elektrik Stansiyasının  açılışında iştirak edib və SCADA sistemi vasitəsilə Göygöl rayonunda yeni tikilən “Toğanalı” KSES-in açılışını edib.

Eyni zamanda, dövlətimizin başçısına Kəlbəcərdə, Laçında və Ağdərədə tikintisinə başlanılan ümumi gücü 37,5 MVt olan 6 KSES barədə məlumat verilib. 

Ölkə başçısı İstisu qəsəbəsində “Azərişıq” ASC-nin “İstisu” yarımstansiyasının açılışında iştirak edib. 

Prezident İlham Əliyev və birinci xanım Mehriban Əliyeva Kəlbəcər rayonunda “İstisu” Müalicə-İstirahət Kompleksində aparılan tikinti işləri ilə tanış olublar. Ölkə başçısı İstisu qəsəbəsinin təməlini qoyub.

Mehriban Əliyeva sosial media hesablarında Kəlbəcər rayonuna səfərlə bağlı paylaşımlar edib. 

Azad Mustafayev