Ağcabədidə polis son bir ayda narkotiklərin dövriyyəsində şübhəli bilinən 16 nəfəri saxlayıb. Ümumilikdə, 24 kiloqrama yaxın müxtəlif növ narkotik vasitə dövriyyədən çıxarılıb. 2 nəfərdən isə 2 ədəd "Makarov" markalı tapança, 2 ədəd daraq və 5 ədəd patron aşkar edilərək götürülüb.Ayrı-ayrı vətəndaşlara məxsus iri və xırdabuynuzlu heyvanları oğurlayaraq zərərçəkmişlərə 15 min manat dəyərində ziyan vurmaqda şübhəli bilinən 2 nəfər də saxlanılıb. Faktlarla bağlı cinayət işləri başlanılıb, araşdırmalar davam etdirilir.