İmişlidə 10 yaşlı uşaq kanalda batıb. Hadisə rayonun Qaragüvəndikli kəndi ərazisində Boz Təpə su kanalında qeydə alınıb. Sakinlərin verdiyi məlumata görə, həmin kəndin sakini, 2013-ci il təvəllüdlü Xankişiyev Rasim Vasif oğlu evlərinin yaxınlığından keçən su kanalının kənarında heyvan otararkən kanala düşüb. Hadisədən sonra azyaşlının axtarışları üçün kanalda suyun səviyyəsi minimuma endirilib. Əraziyə FHN-nin suda xilasetmə qüvvələri cəlb edilib və axtarış aparılır.