"Ermənistanın Beynəlxalq Ədalət Məhkəməsində qaldırdığı iddialar tamamilə əsassız və absurddur. Azərbaycanlılara qarşı irqi nifrətin qızışdırılması və təşviqinə yönəlib". Xarici İşlər Nazirliyinin mətbuat katibi Ayxan Hacızadə Ermənistanın Beynəlxalq Ədalət Məhkəməsində qaldırdığı növbəti iddialarla bağlı belə deyib. Bildirib ki, Azərbaycan tərəfi Ermənistanın bu yeni əsassız iddialarına tutarlı cavablarının əks olunduğu mövqeyini aidiyyəti üzrə məhkəməyə təqdim edəcək.