Gəncədə, şəhərin Nizami Gəncəvi prospekində qəza olub. Məlumata görə, baş yolla hərəkət edən "Opel Astra" markalı minik avtomobili soldan yaxınlaşan "VAZ 2106" markalı maşınla toqquşmadan yayınmaq istəyərkən idarəetməni itirib. Nəticədə Göygöl rayon sakini olan Nofəl Şərifovun idarə etdiyi avtomobil yolun kənarındakı mağazaya girib. Sürücü xəsarət almasa da, avtomobili və mağaza zərər görüb. Hadisə zamanı səkidə piyadalar olsa da, xoşbəxtlikdən xəsarət alan olmayıb.