Sabah Azərbaycan Basketbol Liqasında pley-off mərhələsinin ikinci oyunları çərçivəsində "Gəncə" doğma divarlar arasında NTD kollektivini qəbul edəcək. İlk görüşdə "sarı-göylər" Bakı səfərində rəqibini məğlub etməklə seriyada önə keçiblər. Nizami yurdunun təmsilçisi cavab matçında qələbə qazanacağı halda cütün taleyini həll etmiş olacaq. Gəncə Olimpiya İdman Kompleksində keçiriləcək oyun saat 15:00-da başlayacaq.