İllərdir ki, Ermənistanda beynəlxalq səviyyəli nüfuzlu idman yarışları keçirilmir və bu səbəbdən hazırkı çempionat İrəvanın çirklənmiş simasının azacıq da olsa, normaya qayıdışı istiqamətində kiçik addıma çevrilməli idi. Tam əksi baş verdi. Ağır atletika üzrə Avropa çempionatının açılış mərasimində Azərbaycan bayrağı yandırıldı. Millət vəkili Naqif Həmzəyev deyir ki, beynəlxalq idman yarışlarını keçirmək, idmançıların təhlükəsizliyini təmin etmək iqtidarında olmayan Ermənistan buna görə cavab verməlidir.