Bakıda 3 nəfər dəm qazından zəhərlənib, ölən var. Hadisə paytaxtın Yasamal rayonunda yerləşən evlərin birində qeydə alınıb. 1982-ci il təvəllüdlü Məmməd Qənbərov kirayə yaşadığı fərdi yaşayış evinin hamam otağında dəm qazından zəhərlənərək ölüb. Onunla eyni ünvanda olan 2008-ci il təvəllüdlü Vəli Qarayev və 1987-ci il təvəllüdlü Gülnarə Qarayeva zəhərlənmə diaqnozu ilə 1 saylı şəhər Klinik Xəstəxanasına yerləşdiriliblər. Faktla bağlı Yasamal Rayon Prokurorluğunda araşdırma aparılır.