"Azad edilmiş ərazilərdə də bağçaların inşası nəzərdə tutulub". Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsindən bildirilib ki, sentyabrın 15-də Ağalı kəndindəki məktəbdə ilk zəng çalınacaq. Həmin kənddə kifayət qədər əhali məskunlaşıb, 61 uşaq məktəbə qeydiyyatdan keçib, 18 uşaq isə bağça yaşlıdır. Söbədən o da qeyd olunub ki, bağça müdirlərinin işə qəbulu müsabiqəsi oktyabrda keçirilə bilər. Müsabiqə test və müsahibə mərhələsindən ibarət olacaq. Növbəti mərhələdə bağçalarda müəllim və direktorların diaqnostikası da aparılacaq.