Mədəniyyət Nazirliyi, Respublika "Xatirə kitabı" redaksiyası Gəncədə Vətən müharibəsində həlak olaların adlarının və xatirələrinin əbədiləşdirilməsi üçün "44 gün-tarixi zəfər" adlı üçcildliyin "A-Ə" hərfləri üzrə birinci cildinin təqdimatını keçirib. Gəncə və ətraf rayonlardan olan şəhid ailələrinin də iştirak etdiyi mərasimdə kitabın birinci cildində 1000 nəfərə yaxın döyüşçü olmaqla- Aprel döyüşlərində və Tovuz hadisələrində, həmçinin Vətən müharibəsində həlak olan şəxslər barədə ensiklopedik məlumatların verildiyi, digərlərinin isə adlarının ədəbiləşdirilməsi istiqamətində növbəti cildlər üzərində işlərin görüldüyü vurğulanıb. Həmçinin kitabda  İkinci Dünya müharibəsi, Əfqanıstan döyüşləri, 20 Yanvar faciəsi, Xocalı soyqırımı, 1-ci Qarabağ müharibəsi zamanı torpaqlarımızın azadlığı uğrunda gedən döyüşlərdə həlak olan, itkin düşən, əsir götürülən vətəndaşlarımız, Milli Qəhrəmanlarımız haqqında əhatəli materiallar da yer alır.