Gəncə Şəhər İcra Hakimiyyəti və Milli Kino Mərkəzinin təşkilatçılığı, YAP Gəncə şəhər təşkilatının dəstəyi ilə telejurnalist, publisist, şair, Azərbaycan Jurnalistlər Birliyinin üzvü, Əməkdar jurnalist, Azərbaycanın Milli Qəhrəmanı, I Qarabağ müharibəsi şəhidi Alı Mustafayevin həyat və yaradıcılığına həsr olunan “Alı zirvəsi” sənədli filminin təqdimatı baş tutub. Alı Mustafayevin 70 illik yubileyinə həsr olunan təqdimatda onun istedadlı jurnalist, yanar ürəkli, kövrək qəlbli, içi sevgidən aşıb-daşan şair, çox dəyərli ailə başçısı, övladlarına, ailəsinə bağlı ata, ölənə kimi sevgisinə sadiq qalan ömür-gün yoldaşı olub. Alı Mustafayev, Ermənistan hərbi birləşmələrinin Azərbaycana hücumu dövründə qaynar döyüş nöqtələrindən, eləcə də yüksək dövlət səviyyəli rəsmi görüşlərdən hazırladığı müsahibə və reportajlarla rəğbət qazanıb. O, 1991-ci il noyabr ayının 20-də Xocavənd rayonunun Qarakənd kəndinin yaxınlığında, Ağdam rayonunun Mərzili kəndi ərazisində erməni həbiləşdirilmiş dəstələri tərəfindən Azərbaycan hərbi helikopterinin vurulması nəticəsində həlak olub. Mədəniyyət Nazirliyinin sifarişi ilə çəkilən filmdə Alın Mustafayevin ailə üzvləri, tələbəlik və iş yoldaşlarının Milli Qəhrəmanla bağlı xatirələri yer alır. Onun peşəsinə olan marağından, Vətəninə olan bağlılığından bəs olunur. Filmdə 1990-cı illərin əvvəllərində lentə alınan arxiv kadrlardan da istifadə edilib.