Görkəmli bəstəkar Fikrət Əmirovun 100 illik yubileyinin keçirilməsi haqqında ölkə başçısının müvafiq Sərəncamına əsasən, Gəncədə konsert proqramı reallaşıb. Gəncə şəhər Mədəniyyət İdarəsinin təşkilatçılığı ilə reallaşan tədbir bəstəkarın adını daşıyan Gəncə Dövlət Filarmoniyasında baş tutub. Konsertdə Bakıdan gələn tanınmış incəsənət xadimləri də iştirak edib. Konsert proqramında xanəndələrin, Azərbaycan Dövlət Simfonik Orkestrinin və Göygöl xalq çalğı alətləri ansamblının ifasında Fikrət Əmirovun əsərləri səsləndirib.