Gəncəli yazıçının Səfəvilər dövlətinin qurucusu Şah İsmayıl Xətayi haqqında yazdığı kitab işıq üzü görüb. Bədii üslubda yazılan tarixi romanın Bakıdan sonra Gəncədə təqdimatı və yazarın imza günü təşkil olunub.

Müəllifi Sahib Qurbanov olan, Şah İsmayıl Xətainin doğumundan 6 yaşına kimi bədii üslubda yazılan kitab, artıq oxucuların ixtiyarındadır. Yazıçı tarixi romanı ərsəyə gətirmək üçün 100-ə yaxın tarixi mənbədən istifadə edib. Reallığı əks etdirən hadisələrə əsaslanan əsər, tezliklə oxucular tərəfindən sevilməyi bacarıb. Müəllifin sözlərinə görə bu kitabın birinci hissəsidir. Yaxın zamanlarda II və III hissələri də oxucuların ixtiyarına veriləcək.

Kitabın üz qabığında Səfəvi atlısı, bayrağı və dumanlı hava əks olunub. Sevindirici hal isə olur ki, gəncəli yazıçı romanın dizaynını elə gəncəli rəssam Mobil Qarayevə etibar edib.

Baş tutan təqdimatda oxucularla yanaşı, şəhərin ziyalıları, yazıçılar eyni zamanda tarixçilər iştirak ediblər. Onlar kitab haqqında fikirlərini, tədbir iştirakçıları ilə bölüşüblər.

Kitaba malik olmamaq, əqli yoxsulluğun ən yüksək dərəcəsidir. Nəin ki, gəncəli, Azərbaycanlı yazıçıların sayının artmasını, kitabların çoxalmasını və gənclərdə mütaliəyə marağın artacağını ümid edib, Yazıçıya fəaliyyətində uğurlar arzu edirik.

Nərgiz Əhmədqızı