Yaz mövsümündə iri və xırda buynuzlu heyvanlar arasında ən çox rast gəlinən və yayıla bilən infeksion xəstəliklərdən biri də dabaq xəstəliyidir. Goranboy rayonunun baytarları xırda və iri təsərrüfatlarda başlatdıqları vaksinasiya işləri bu xəstəliyin yayılmasına imkan verməməkdir.

Goranboy rayon Heyvan Sağlamlığı və Baytarlıq Xidmətləri  İdarəsinin özəl baytar həkimləri peyvənd tədbirlərini həyatyanı və böyük təsərrüfatlarda saxlanılan iri və xırda buynuzlu heyvanlar arasında aparırlar. Aprelin əvvəlindən başlanan vaksinasiya nəticəsində 37 min 900 iri buynuzlu, 80 min xırda buynuzlu heyvanda dabaq xəstəliyi əlehiyə immunitet yaranıb. Dərmanlar təsərrüfatlara soyuq zəncir rejiminə riayət edilərək termoçamadanlarda gətirilir. Həmçinin 1335 baş sahibli ev iti də quduzluq xəstəliyinə qarşı peyvənd olunub. Peyvəndləmə işləri gələn ayın əvvəlinə kimi davam edəcək.

Elsəvər Hüseynov  Heyvan Sağlamlığı və Baytarlıq Xidmətləri İdarəsinin rəisi:Goranboy rayon ərazisində hazırda epzotik tədbirlər planına uyğun olaraq Heyvan Sağlamlığı və Baytarlıq Xidmətləri  İdarəsinin özəl baytar həkimləri tərəfindən iri buynuzlu heyvan arasında dabaq xəstəliyinə qarşı peyvəndləmə işləri aparılır. Eyni zamanda da sahibli ev itləinin də quzuduzluq əleyhinə peyvəndləmə aparılır. Xırda buynuzlu heyvanlar arasında epzotik tədbirlər planına uyğun olaraq aprel ayının əvvəlindən başlanılıb və hazırda da dabaq əleyhinə peyvəndləmə işləri davam etdirilir. Rayon ərazisində epzotik durum sabitdir, heç bir infeksion xəstəlik aşkar olunmamışdı.

Goranboyda 50 mindən yuxarı iri buynuzlu, 140 min xırda buynuzlu heyvan saxlanılır. Həmçinin təsərrüfatlarda 1300 tək dırnaqlı heyvan da bəslənilir. Heyvanları yaylaqlara aparacaq təsərrüfat sahibləri ilə baytar həkimləri tərəfindən daima əlaqə saxlanılır.

Zahir Bayramov  təsərrüfat sahibi: Aprel ayı girəndən Goranboy rayonunda dabağa qarşı müalicə gedir. Sağ olsunlar mənim də qapıma gəldilər. Mənim qapımda 10 baş mala, ata, itə iynə vurdular. Həmişə gəlirlər dabağa qarşı, birsulyoza qarşı vururlar. Sağ olsunlar, çox razıyam.

Goranboyda baytar həkimləri peyvəndləmə işləri ilə yanaşı təsərrüfat sahiblərini heyvanların saxlanması, xəstəliklərdən qorunması və yemləmə ilə  bağlı da maarifləndirir. Bundan başqa peyvənd olunan heyvanların saxlandığı yerlər dezinfeksiya da edilir.

Elnur Vahidoğlu