Şəhid Abdullayev Samir İlham oğlunun yaşasaydı, 23 yaşı olacaqdı. Amma o, Vətənin bütövlüyü üçün ömründən keçdi. Samir Abdullayev Füzuli şəhərinin azad olunması uğrunda gedən döyüşlərdə şəhadətə ucalır.28 oktyabr 2020-ci ildə Gəncə şəhər Şəhidlər Xiyabanında dəfn edilən şəhidimiz “Vətən uğrunda” , “Döyüşdə fərqlənməyə görə” , “Füzulinin azad olunmasına görə” medalları ilə təltif edilib.