Şuşada Dövlət Qoruğunun təsis edilməsində məqsəd şəhərdəki abidələrin qorunmasını, bərpasını, tarixi-memarlıq və bədii-estetik görünüşünün toxunulmazlığını təmin etməkdir. Qoruq eyni zamanda şəhərin turizm və istirahət potensialından tam yararlanmaq üçün əlverişli şərait yaratmalıdır. Milli Məclisin üzvü Ceyhun Məmmədov bildirib ki, dövlət büdcəsindən ayrılan vəsaitlə yanaşı qoruq öz maliyyə imkanlarından istifadə edərək gələcəkdə əlavə vəsaitlər də cəlb edə bilər.