Hazırda Azərbaycanda epidemioloji vəziyyət nəzarət altındadır. Buna baxmayaraq, qarşıdan gələn payız-qış mövsümündə kəskin respirator virus infeksiyalarına yoluxma arta bilər. Elmi Tədqiqat Profilaktika İnstitutunun məlumatına görə, bu səbəbdən payız-qış dövründə COVİD-19-un bir qədər problemlər yaratması və buna kəskin respirator virus infeksiyalarının da qoşulması ehtimalı var. Bu səbəbdən qripə qarşı vaksinasiyanın aparılması indiki dövr üçün daha aktual sayılır.