Dövlət 1 milyard manat kredit portfeli üzrə kreditlərin subsidiyalaşdırılması üçün 100 milyon manat vəsait nəzərdə tutub.Sahibkarlığın İnkişafı Fondunun şöbə müdiri Nuranə İbadova deyib ki, sahibkarın götürdüyü kreditin 10 faiz bəndi Sahibkarlığın İnkişafı Fondu tərəfindən kredit təşkilatlarına ödəniləcək. Sadə dildə desək, bir sahibkar 17 fazilə kredit götürübsə, həmin kreditin 10 faiz bəndi dövlət tərəfindən kredit təşkilatlarının hesabına ödəniləcək.Sahibkarlara digər dəstək isə yeni kreditlərin verilməsidir ki, bu istiqamətdə 500 milyon manat ayrılacaq. Bunula bağlı elektron platformanın yaradılması nəzərdə tutulur. Sahibkarlar elektron platforma üzərindən müraciət etməklə, dövlət zəmanətli kreditlər ala biləcəklər.