Bakının Xəzər rayonunda ağır yol qəzası olub. Suraxanı qəsəbə sakini, 31 yaşlı Abuzərov Elman idarə etdiyi "VAZ 2107"markalı avtomobillə Pirallahı-Qala yolunda şəhər istiqamətində hərəkətdə olarkən Xəzər rayonu Dövlət Yol Patrul Xidmətinin inzibati binasının yaxınlığında idarəetməni itirərək yolun kənarındakı dirəyə çırpılıb. Hadisə nəticəsində ağır xəsarətlər alan sürücü 3 saylı şəhər Klinik Xəstəxanasına çatdırılsa da, orada dünyasını dəyişib.Faktla bağlı cinayət işi başlanıb.