Gəncə şəhər Gənclər və İdman Baş İdarəsi və Gəncə Dövlət Regional Kollecinin birgə təşkilatçılığı ilə 26 aprel -18 may tarixlərində Azərbaycan şairi İmadəddin Nəsiminin 650 illik yubileyinə həsr olunmuş ali və orta ixtisas təhsili müəssisələrinin tələbələri arasında “GƏNC ISTEDAD” adlı festival reallaşıb. Festival üç nominasiya - bədii qiraət, mill musiqi və vokal, rəsm üzrə keçirilib. Gəncə Regional Kollecində festivalın final-bağlanış mərhələsi rellaşıb. Finalda hər nominasiya üzrə 6 istedadlı gənc bacarıqlarını nümayiş etdirərək, rəqiblərini üstələməyə çalışıblar. Bacarıqlı gənclərin final mərhələsində çıxışlarını 10 nəfərlik münsiflər heyyəti qiymətləndirib. Qaliblərə kuboklar və sertifikatlar verilib.