Mingəçevir şəhərində mənzillərdən oğurluq edən şəhər sakini tutulub. Belə ki, Mingəçevir şəhər sakinləri mənzillərindən qızıl-zinət əşyalarının oğurlanması barədə polisə məlumat veriblər. Polis əməkdaşları tərəfindən keçirilmiş əməliyyat axtarış tədbirləri nəticəsində oğurluq etdiyinə görə tutulan Afiq Əliyevin ətrafında istintaq tədbirləri ilə onun şəhər ərazisindəki 2 evdən qızıl və məişət əşyaları oğurlaması da müəyyən edilib. Əliyev oğurladığı qızıl-zinət və məişət əşyalarını dəyərindən aşağı qiymətə satdığını bildirib. Faktla bağlı Mingəçevir Şəhər Polis Şöbəsində araşdırma aparılır.