Bir neçə ildir əyilən smartfon üzərində işləyən Cənubi Koreya şirkəti Samsung həmin prototipini nümayiş etdirib. Qacetin nümayişini təqdimat və ya anons adlandırmaq çətindir. Çünki istehsalçılar əyilən Infinity Flex Display texnologiyasından danışıb və bununla əyilən ekranlı cihaz düzəltməyin yollarından söz açıblar. 7,3 düymlük ekranlı aparatın texniki göstəricilərdən xəbər yoxdur. Infinity Flex Display texnologiyasının istehsalına yaxın aylarda başlanacaq. Amma ilk əyilən smartfonun nə vaxt peyda olacağı bilinmir. Smartfon Samsung Galaxy X adını daşıyacaq.