Gəncədə çoxmərtəbəli binada yanğın olub. Hadisə şəhərin Ü.Hacıbəyov küçəsi, 48A ünvanında qeydə alınıb. Alov beşmərtəbəli binanın 5-ci mərtəbəsində yerləşən, Günay Abdullayevaya məxsus103 kv.m-lik 5 otaqlı evdə meydana gəlib. Mənzilin bir otağında 12 kv.m-lik sahə yanıb. Dərhal hadisə yerinə Gəncə Dövlət Yanğından Mühafizə İdarəsinin 5 yanğınsöndürən maşını və canlı qüvvəsi cəlb olunub. Sakinlər təxliyə edilib.Alov söndürülüb, yanğının səbəbləri araşdırılır. Tüstüdən zəhərlənən sakinlərə ilkin yaradım göstərilməsi üçün hadisə yerinə Təcili Tibbi Yardım briqadası çağırılıb. Yanğının baş vermə səbəbləri araşdırılır.