Bu gecə saat 02:00 radələrində Bakı-Qazax magistralının 401-ci klometrliyində  Şəmkir rayonunun Dəllər-Cəyir kəndi ərazisində piyadanın vurulması ilə nəticələnən yol nəqliyyat hadisəsi baş verib. Hərəkətdə olan “VAZ 2106” markalı avtomobil yolu keçmək istəyən təxminən 50 yaşı olan kişini vurub. O, dərhal xəstəxanaya çatdırılıb. Həkimlər tərəfindən tibbi yardım göstərilib vəziyyətinin orta ağır olduğu bildirilir. Yaralı travmatik şok keçirdiyindən onun kimliyini müəyyən etmək hələlik mümkün olmayıb. Faktla bağlı Baş Dövlət Yol Polisi İdarəsinin İstintaq və Təhqiqat şöbəsində  araşdırma aparılır.