Yevlax şəhərində piyadanın ölümü ilə nəticələnən yol qəzası baş verib. Hadisə ötən gün axşam saatlarında şəhərin "Üç yol" deyilən ərazisində qeydə alınıb.Yevlax sakini, 34 yaşlı Xaqani Məmmədov yolu keçmək istəyən zaman, şəhər sakini, 60 yaşlı Telman Allahverdiyevin idarə etdiyi "VAZ-2106" markalı avtomobil onu vurub. Ağır xəsarət alan piyadanı sürücü xəstəxanaya çatdırıb. O, reanimasiya şöbəsinə yerləşdirilib. Həkimlərin səyinə baxmayaraq, yaralının həyatını xilas etmək mümkün olmayıb.Faktla bağlı araşdırma aparılır.