Goranboy rayonunda iki avtomobil toqquşub. Hadisə rayonun Faxralı kəndinə gedən yolda olub. Hərəkətdə olan “VAZ 2107” və “VAZ 21011” markalı iki minik avtomobil toqquşub. Qəza zamanı “VAZ 21011”-də olan sərnişin Alpud kənd sakini 59 yaşlı Elçin Hacıyev xəsarət almadığını bildirib və o evə gedib. Lakin Elçin Hacıyev bir neçə saatdan sonra evdə ölüb. Onun ürək damar xəstəliyindən əziyyət çəkdiyi bildirilir. Faktla bağlı araşdırma aparılır.