Xaçmazda yanğın baş verib. Rayonun Sərkərli kəndində işlək vəziyyətdə olmayan, ümumi sahəsi min kvadratmetr olan soyuducu anbarın 100 kvadratmetr sahəsi yanıb. Əraziyə Xaçmaz Dövlət Yanğından Mühafizə Hissəsinin 2 yanğınsöndürən maşını və canlı qüvvəsi cəlb olunub. Yanğın söndürülüb və alovun daha geniş əraziyə keçməsinin qarşısı alınıb. Hadisənin səbəbləri araşdırılır.