Saatlı rayonunda ağır yol qəzası baş verib. Rayonun Qaralar kəndində "Shaqman" markalı yük avtomobili ilə "Mercedes" markalı minik avtomobili toqquşub. Nəticədə yük maşını kanala aşıb. Hadisə yerinə FHN-nin xilasediciləri cəlb edilib. Qəza nəticəsində İmişli rayon sakinləri Əli Təşkilat oğlu və Peyman İsgəndərov vəfat edib, 2 nəfər isə xəsarət alıb. Lənkəranın Nərimanabad qəsəbəsində isə iki qardaş yol qəzasına düşüb. "Mercedes" markalı maşının aşması nəticəsində qardaşlardan biri – 46 yaşlı İlqar Abdullayev ölüb. 53 yaşlı Elnur Abdullayev isə xəsarətlərlə Lənkəran Mərkəzi Rayon Xəstəxanasına çatdırılıb. Məlumata görə, qardaşlar rayonun Balıqçılar kəndinin sakinləridirlər. Faktlar bağlı araşdırmalar davam etdirilir.