Şəmkirdə isə sürücü ilə müştəri arasında dava qanla nəticələnib. İrmaclı kənd sakini, 25 yaşlı Ayvaz İsgəndərov rayon mərkəzində 64 yaşlı Arif Yusifovun idarə etdiyi taksiyə oturaraq kəndinə sürdürüb.Kəndə catanda sərnişinlə sürücü arasında pul üstündə mübahisə yaranıb. Bu zaman Ayvaz İsgəndərov Yusifova dəmir parçası ilə xəsarət yetirib.Yaralı sürücü Şəmkir Mərkəzi Xəstəxanasına yerləşdirilib. Vəziyyətinin ağır olduğu bildirilir. Hadisəni törədən şəxs artıq saxlanılıb. Faktla bağlı hüquq-mühafizə orqanları tərəfindən araşdırma aparılır.