Paytaxtın Suraxanı rayonunda bıçaqlanma ilə nəticələnən dava baş verib. 57 yaşlı Adil Səfərov kafedə yeyib içdikdən sonra tanışı ilə mübahisə edib.  Daha sonra tanışlar mübahisəni kafedən kənarda davam etdiriblər. Bu zaman tanışı Adil Səfərovu bıçaqlayıb və hadisə yerindən qaçıb. Yaralı təcili yardım avtomobili vasitəsilə xəstəxanaya yerləşdirilib. Həkimlər əməliyyat olunan Adil Səfərovun həyatı üçün təhlükə olmadığını bildiriblər. Faktla bağlı Suraxanı Rayon Polis İdarəsi araşdırma aparır. Araşdırmaların sonunda hadisəyə hüquqi qiymət veriləcək.