Ağdamın İmamqulubəyli kəndi ərazisində iki nəfərin xəsarət alması ilə nəticələnən yol-nəqliyyat hadisəsi baş verib. İsgəndər Səmədov "VAZ-2106" markalı avtomobillə hərəkətdə olan zaman idarəetməni itirib və maşın yolun kənarındakı ağaca çırpılıb. Hadisə nəticəsində sürücü və onun arvadı Qənirə Səmədova ağır bədən xəsarətləri alıblar. Yaralılar Ağdam Rayon Mərkəzi Xəstəxanasına yerləşdirilib. Məlumata görə, hadisə azyaşlı uşağını xəstəxanaya çatdırmaq istəyən sürücünün avtomobili yüksək sürətlə idarə etdiyi zaman baş verib. Fakt araşdırılır.