Abşeronda isə keçmiş məhkum heroinlə yaxalanıb. Ancaq onun cinayəti bununla yekunlaşmayıb. Həmin şəxsin daha hansı əməlləri törətdiklərini süjetdən biləcəksiniz.

Abseron rayon polis idarəsi əməkdaşlarının keçirdikləri əməliyyat tədbirləri nəticəsində Hökuməli qəsəbə sakini əvvəllər 2 dəfə məhkum olunmuş Əmrulla İsmayılov yaşadığı qəsəbədə saxlanılıb. Onun üzərinə keçirilən baxış zamanı narkotik vasitə olan heroin aşkarlanıb. Idarəyə gətirilən şəxsin ətrafında aparılan araşdırmalar zamanı onun oğurluq cinayətlərinin də üstü açılıb.

Avtomobil təmiri ilə məşğul olduğunu deyən Əmrulla İsmayılov dindirilərkən törətdiyi cinayətləri etiraf edib.

Faktla bağlı Abşeron Rayon Pİ-nin istintaq şöbəsində başlanan cinayət işi üzrə araşdırmalar davam edir.

Zülfiyyə Telmanqızı