Ucarda da piyadanın xəsarət alması ilə nəticələnən yol qəzası baş verib. Hadisə bu gün səhər saatlarında Bakı-Qazax əsas magistral yolunun Qarabörk kəndindən keçən hissəsində qeydə alınıb. Rəstəcə kənd sakini, 34 yaşlı Nurlan Hüseynovu avtomobil vurub. Ağır vəziyyətdə Mərkəzi Rayon Xəstəxanasına yerləşdirilən Hüseynova ilkin tibbi yardım göstərilib, daha sonra müalicəsini davam etdirmək məqsədi ilə paytaxtdakı xəstəxanalardan birinə göndərilib. Faktla bağlı Baş Dövlət Yol Polisinin İstintaq və Təhqiqat şöbəsində araşdırma aparılır.

Zülfiyyə Telmanqızı