Tovuzda da ağır yol-nəqliyyat hadisəsi baş verib. Hadisə Bakı-Qazax magistralının Tovuzun Aşağı Quşçu kəndindən keçən hissəsində baş verib. Qarşı-qarşıya hərəkət edən yük avtomobili ilə Mercedes markalı minik maşını toqquşub. Mersedesin sürücüsü Ağstafa sakini 59 yaşlı Rafiq Kərimov hadisə yerində dünyasını dəyişib, sərnişin Gəncə sakini 22 yaşlı Oksana Romanova isə müxtəlif bədən xəsarətləri alıb. Yaralı dərhal Tovuz Mərkəzi rayon Xəstəxanasına çatdırılıb. Ona qarnın küt travması, alın nahiyəsinin əzniyi diaqnozu qoyulub. Əməliyyat edilən qadın reanimasiya şöbəsindədir. Qeyd edək ki, “Mercedes” markalı avtomobildə Dövlət Gömrük Komitəsinin əməkdaşları olub.Faktla bağlı araşdırmalara başlanılıb.

Zülfiyyə Telmanqızı