Azərbaycan Respublikası Ərazilərinin Minalardan Təmizlənməsi üzrə Milli Agentliyin mütəxəssisləri Gədəbəy rayonunda mina və partlamamış hərbi sursat aşkar ediblər. Rayonun Söyüdlü kəndində su hövzəsinə baxış keçirilib. Nəticədə 900-ə yaxın müxtəlif tipli hərbi sursat, o cümlədən 18 ədəd əl qumbarası F-1, 6 ədəd tank əleyhinə raket, 4 ədəd tratil şaşkası, 10 ədəd partladıcı, 6 ədəd tank əleyhinə qumbara kapsulu, 1 ədəd tank əleyhinə qumbaranın tutacaq hissəsi, 1 ədəd tank əleyhinə raketin mühərrik hissəsi, 840 ədəd 5.45 mm-lik patron, 7 ədəd avtomat darağı və 2 ədəd RPK-74 darağı aşkar edilərək agentliyin Ağstafadakı mərkəzi məhvetmə ərazisinə aparılıb. 

Zülfiyyə Telmanqızı