Müştərilərlə kafe sahibinin mübahisəsi kütləvi davaya səbəb olub. Hadisə paytaxtın Yasamal rayonunda,  Əbdürrəhimbəy Haqverdiyev küçəsi ilə Hüseyn Cavid prospektinin kəsişməsində yerləşən kafelərdən birində qeydə alınıb. Kafe sahibi Taleh Həsənov 4 müştəri ilə əlbəyaxa dava edib. Hadisə zamanı iki nəfər xəsarət alıb, kafedəki əşyalar sındırılıb. Olay barədə Yasamal Rayon Polis İdarəsinin 28-ci Polis Bölməsinə məlumat verilib. 3 nəfər saxlanılaraq polis bölməsinə aparılıb. Faktla bağlı araşdırma aparılır.