Gəncə Şəhər Baş Polis İdarəsi əməkdaşlarının keçirdikləri əməliyyat tədbirləri nəticəsində narkotik vasitələr dövriyyədən çıxarılıb. Şəhər sakini, əvvəllər məhkum olunmuş Arzu Qasımov 9 kiloqram marixuananı 4000 manata satarkən tutulub. Nərimanov RPİ 17-ci PB əməkdaşlarının keçirdikləri əməliyyat tədbirləri nəticəsində isə Zaqatala rayon sakini Əhməd Paşayevdən 7 kiloqram 400 qram marixuana götürülüb. Daha bir əməliyyat tədbirini Biləsuvar RPŞ əməkdaşları həyata keçiriblər. Cəlilabad rayon sakini Ələddin Əliyevdən təqribən 1 kiloqram 61 qram heroin və 23 qram metafetamin götürülüb. Faktlarla bağlı araşdırma aparılır.

Zülfiyyə Telmanqızı