• KƏPƏZ TV
    canlı yayım
Bu günə xəbərlərin oxunma sayı: 790
— 11.01.2016 07:56

Qərb bölgəsində bir gündə 3 qadın zəhərlənib

İstirahət günü qərb bölgəsində 3 qadın dəm qazından zəhərlənib. Hadisələr Tovuz və Qazaxda baş verib. Kəpəz TV-nin (Region TV) məlumatına görə, Tovuz rayon Abulbəyli kənd sakini 27 yaşlı Günel Kərimova yaşadığı evin vanna otağında huşunu itirib. Dərhal təcili yardım avtomobili ilə Tovuz Mərkəzi Rayon Xəstəxanasına çatdırlan zərərçəkənə yardım göstərilib. Həyati təhlükəsinin olmadığı bildirilir. Qazaxda isə bir gündə 2 nəfər - 23 yaşlı Telli Qurbanova və 38 yaşlı Kəmalə Poladova dəm qazından zəhərlənib. Hər iki şəxs Qazax Diaqnostika Mərkəzinə yerləşdiriliblər. Xəstəxanadan verilən  məlumata görə, hazırda vəziyyətləri orta-ağır qiymətləndirilir.

Rahim İbrahimoğlu