“Euronews” Azərbaycanla Ermənistan arasında sülh prosesi barədə material hazırlayıb. Materialda Prezidentin köməkçisi Hikmət Hacıyevin fikirlərinə yer verilib. Hacıyev bildirib ki, Ermənistanla sülhə nail olmaq “çətin mübarizədir”. Ermənistandakı və erməni diasporundakı revanşist qüvvələr keçmiş rəqiblər arasındakı tarixi sülh prosesini pozmağa çalışırlar.O, Azərbaycanda islam, xristianlıq və iudaizmin birgə mövcud olduğunu vurğulayıb. Hikmət Hacıyev, həmçinin Qarabağ və Şərqi Zəngəzurun işğalı dövründə Azərbaycan ərazisindəki məscidlərin və islam mədəni irsinin məhv edildiyini diqqətə çatdırıb."Azərbaycan öz suveren ərazisində xristian irsinin qorunmasına sadiqdir, çünki bu, bizim mədəni irsimizdir", - telekanal H.Hacıyevin sözlərini sitat gətirib.