Daşkənd-Gəncə birbaşa aviareysinin açılması Azərbaycan və Özbəkistan arasında əlaqələrin inkişafında mühüm addım kimi qiymətləndirilib. Özbəkistanın Azərbaycandakı fəxri konsulu Kənan Cəlilov bildirib ki, yeni marşrut turizm, ticarət və biznes əlaqələrinin genişlənməsinə əlavə imkanlar yaradacaq. Qeyd edək ki, Daşkənddən Bakı və Gəncəyə müntəzəm uçuşlara iyunun 1-dən start verilib.