Azərbaycanın 3 yunan-Roma güləşçisi Tiranada keçirilən Avropa çempionatında yarımfinala yüksəlib. Nihat Məmmədli, Həsrət Cəfərov və Qurban Qurbanov rəqiblərini məğlub edərək növbəti mərhələyə vəsiqə qazanıblar. Digər güləşçilərdən Ruslan Nurullayev və Murad Əhmədiyev mübarizəni dayandırıb, 3 idmançı isə bu gün bürünc medal uğrunda yarışacaq. Çempionat aprelin 26-da başa çatacaq.